Leipziger Platz is 'n plein in die Berlynse stadsdistrik Mitte wat in die weste aan die plein Potsdamer Platz en in die ooste, by die beginpunt van Leipziger Straße, aan die Pruisiese Herehuis, die eerste parlementskamer van die voormalige Duitse deelstaat Koninkryk Pruise en huidige setel van die Federale Raad van Duitsland, een van die grondwetlike liggame van Duitsland met afgevaardigdes uit alle sestien deelstate wat besluite oor federale wetgewing, administrasie en aangeleenthede rakende die Europese Unie kan neem.
Die plein is tussen 1732 en 1738 met 'n kenmerkende agthoekige uitleg aangelê en het voor 1945 deel uitgemaak van Berlyn se besigste winkelstraat, Leipziger Straße. Die meeste geboue is gedurende die Tweede Wêreldoorlog deur geallieerde lugaanvalle vernietig en hul bouvalle later verwyder. Ná die Duitse hereniging is die plein herbou met moderne kantoor- en sakegeboue wat onder meer die ambassade van Kanada en die winkelsentrum LP12 Mall of Berlin huisves.